Vangyachi Bhaji-वाग्यांची भाजी करा हा मसाला वापरून भाजी लागेल मटणाच्या भाजी सारखी.

• Vangyachi Bhaji-वांग्याची भाजी बनवतांना सर्व प्रथम कांदे उभे चिरुन घावे.

• ओले खोबरे किसुन घ्यावे.एका पॅन मध्ये कांदा व ओले खोबरे भाजुन घ्या.

• भाजुन झाल्यावर बाजूला काढून घ्या व त्याच पॅनमध्ये थोडे तेल घालून हरभरा डाळ व उडीद डाळ मंद आचेवर परतून घ्या.

• या डाळीमुळे वांग्याच्या भाजीला खमंग स्वाद येतो.

• डाळींचा रंग बदलला की त्यात लाल मिरच्या टाका व थोड्या परतून घ्या (जळणार नाही याची काळजी घ्या).

• सर्व मसाला मिक्सर मधुन बारीक वाटुन घ्या.

• नंतर मिक्सर मधून वाटून घेतलेला मसाला एका भांड्यात काढून घ्या, व गरजेनुसार मीठ घाला.

• मीठ घालून मसाला तयार झाल्या नंतर वांगी धुवून घ्या व त्यांना पुढच्या बाजूने एक उभी व एक आडवी चीर द्या.

• त्या नंतर वांग्याना आतून चिमूटभर मीठ लावून घ्या, म्हणजे वांगी खातांना अळणी लागत नाही.

• आता त्यात मसाल्याचे वाटण व्यवस्थित भरून घ्या.

• एका पॅनमध्ये तेल घालून त्यावर वांगे एकेक करुन ठेवावे ,वरून झाकण ठेवावे.थोड्या वेळाने वांगे हळुवारपणे परतून घ्यावे.

• वांगी शिजत आली की त्यात गरजेप्रमाणे पाणी घालून उकळी आणावी.

• भाजी थोडा वेळ उकळली की त्यात डाळींचा छान स्वाद येतो व भाजीला दाटपणा येतो.

• घाई असल्यास प्रेशर कुकरमध्ये टाकुन एक शिट्टी घ्यावी.

• वरून कोथिंबीर घालावी.अशा पद्धतीने चविष्ट व रुचकर वांग्याची भाजी तयार होईल.

• तिचा आस्वाद पोळी किंवा भाकरी बरोबर घ्यावा.

टिप्स.

• जास्त प्रमाणात भाजी करायची असेल तर तेलात प्रथम थोडे हरभरा डाळीचे व थोडे बाजरीचे पीठ खमंग भाजून घ्यावे. पिठामुळे भाजीला छान चव येते व घट्टपणा येतो.

• भाजी करण्याआधी वांगे मीठ लावून वाफवून घेतली तर वांगी अळणी लागत नाही.

• मसाला फिरवताना त्यात कोथिंबीर किंवा कोथिंबीरीचे देठ काढून टाकल्यावर उरलेल्या जाड काड्या बारीक वाटून घ्याव्यात चव छान येते.

• वांग्याची भाजी पित्तकर असते व वातूळही असते. बऱ्याच जणांना वांगी खाल्ल्यावर तोंडाला खाजव येते,अशा वेळेस भाजीत सुपारी एवढा गुळ घालावा भाजीचा वातुळ पणा कमी होतो व पचायलाही सहज होते.

Ghotleli Vangyachi Bhaji – घोटलेली वांग्याची भाजी.

खान्देशात Ghotleli Bhaji – घोटलेली भाजी सुद्धा खूप प्रसिद्ध आहे.खान्देशातील लग्नाच्या पंक्तीत बऱ्याच वेळा ही भाजी केली जाते.या भाजीसाठी कोवळी ताजे वांगी निवडावे.

• पाव किलो वांगी.

• दहा ते बारा हिरव्या मिरच्या वाटून घ्याव्या.

• वाटीभर चिरलेली कोथिंबीर.

• जिरे एक चमचा.

• आले लसूण पेस्ट एक चमचा.

• मीठ चवीनुसार.

• हळद पाव चमचा.

मसाले.

वांगे हे पित्तकारक असते त्यामुळे बऱ्याच जणांना वांग्याची ऍलर्जी असते जिभेला किंवा शरीराला खाज येते, म्हणूनच वांग्याच्या भाजी थोडा गुळ घालावा.पित्तकारक असल्यामुळे त्यात जास्त करून खोबरे,कांदा धणे,जिरे पावडर यासारखे पित्तशमन करणारे मसाले वापरले जातात.आपण आपल्या घरातील व्यक्तीच्या आवडीचा विचार करून त्याप्रमाणे मसाले वापरावे. म्हणजेच तिखट मिरची लाल मिरची वगैरेआपल्या आवडीप्रमाणे घालावी.

कृती.

• प्रथम वांगी स्वच्छ धुऊन घ्यावी.एका वांग्याच्या चार फोडी होतील असे वांगे चिरून घ्यावे व मिठाच्या पाण्यातच ठेवावे.

• एका पातेल्यात तेल घालून वांगे तेलावर परतून घ्यावी.

• वांग्याचा रंग बदलला की वांगी बाजूला काढून ठेवावी व त्यात उरलेल्या तेलात थोडेसे तेल वाढवून घ्यावे.

• त्यात एक चमचा जिरे घालावे.जिरे तडतडले की त्यात हळद, आले लसूण पेस्ट घालावी.

• नंतर वाटलेली मिरची घालावी व एक मिनिटभर परतून त्यात तळलेले वांग्याच्या फोडी घालाव्या.

•  झाकण ठेवून वाफवून द्यावे.

• भाजी खाली जळणार नाही याची काळजी घ्यावी.

• नंतर थोडे गरम पाणी घालावे व वांगी घोटले जातील इतपत शिजवून घ्यावे.यासाठी कुकरमध्ये भाजी केली तरी चालेल.

• शिजल्यावर रवीच्या साह्याने भाजी घोटून घ्यावी.वरून शेंगदाण्याचे जाडसर पूड घालावी.

• मीठ घालावे व कोथिंबीर घालावी.ही भाजी जास्त पातळ करत नाही म्हणून पाणी जरा जपूनच घालावे.

Vangyachi Tava Bhaji – वांग्याची तवा भाजी :-